ЧИГЛЭЛ ХХК-ИЙН ТОВЧ ТАНИЛЦУУЛГА
Чиглэл Хязгаарлагдмал хариуцлагатай компани нь Монгол Улсын хэмжээнд хүнс, хоол үйлдвэрлэлийн зориулалттай тоног төхөөрөмжийн үйлдвэрлэл, худалдаа, засвар үйлчилгээ явуулах зорилгоор 1990 онд үүсгэн байгуулагдсан үндэсний үйлдвэрлэгч, салбартаа тэргүүлэгч, баялаг бүтээгч компани юм.
Тус компани хүнс, хоол үйлдвэрлэлийн тоног төхөөрөмжийн брэнд бүтээгдэхүүнүүдийг бий болгож Эх орондоо баялаг бүтээж хүнс, хоол үйлдвэрлэлийн тоног төхөөрөмж, багаж хэрэгслийн үйлдвэрлэл, нийлүүлэлтдээ үндэсний болон олон улсын эрүүл ахуйн чанар, стандартын шаардлагыг мөрдөж, хөдөлмөрийн аюулгүй байдал, чанарын удирдлагын тогтолцоог тасралтгүй сайжруулан, хэрэглэгчээ дээдлэн, салбартаа тэргүүлэгч байх эрхэм зорилготой, “хамтын хүчээр хөгжлийг бүтээцгээе” уриа нь дор 150-иад ажилтантайгаар ажиллаж байна.
Чиглэл Үйлдвэр
Чиглэл үйлдвэр нь 2005 оноос нержин хийцийн үйлдвэрлэлийн чиглэлээр гараагаа эхэлсэн ба 2012 оноос өргөжин тэлж хүнс, хоол үйлдвэрлэлийн тоног төхөөрөмж үйлдвэрлэж эхэлсэн ба CNC лазер зүсвэрийн машин, нугалагч, хайчлах машин зэрэг хүнээс хамаарах үл тохирлыг багасгах шинэ техник технологи, инновацыг үйлдвэрлэлдээ тасралтгүй нэвтрүүлсээр ирсэн ба одоогоор Улаанбаатар хотод байрлах Мабуд, Амгалан, Дэнжийн мянга зэрэг 3 үйлдвэрийн байранд үйлдвэрлэл, засвар захиалгын төвөөр дамжуулан үйл ажиллагаагаа явуулж байна.
Одоогоор 30 нэрийн 140 гаруй тоног төхөөрөмжийг үйлдвэрлэдэг ба Бид өнгөрсөн 4 жилийн хугацаанд 50-250 литрийн багтаамжтай 1-р хоолны олон үйлдэлт цахилгаан тогоо, 40, 80 литрийн 2-р хоолны хайруулын ширмэн тогоо, 1,2,4,6 ширэмтэй дуковтой цахилгаан зуух, 4-12 савтай хоол халуун байлгагч, 80-1200 литрийн багтаамжтай аяга таваг ариутгагч, хоол бэлтгэлийн ширээ, 1, 2, 3 дамжлагатай угаагуур зэрэг онцлох бүтээгдэхүүнүүдээ Монгол улсын хэмжээнд ерөнхий боловсролын 400 гаруй сургууль, 600 гаруй цэцэрлэг, болон эмнэлэг, уул уурхай зэрэг хүнс, хоол үйлдвэрлэлийн газруудад амжилттай нийлүүлсэн бөгөөд Чиглэл брэндийн бүтээгдэхүүнүүдэд өдөр бүр 468,000 суралцагчдын эрүүл аюулгүй хоол хүнсийг боловсруулж байна.
Мөн Чиглэл үйлдвэрийн захиалгын үйлчилгээ нь хэрэглэгчдийн хэрэгцээ шаардлага дээр тулгуурлан зэвэрдэггүй ган материалаар төрөл бүрийн зориулалттай ган хийцийг зураг төсөл, тооцоо гарган түргэн шуурхай үйлдвэрлэдгээрээ онцлог юм.
Манай компани нь Олон Улсын ISO:9001 2015 Чанарын удирдлагын тогтолцоог ЖДҮ-чдээс анх удаас амжилттай нэвтрүүлсэн байгууллага болсон ба мөн Дотооддоо үйлдвэрлэдэг 4-н бүтээгдэхүүндээ Евразийн эдийн засгийн холбооны тохирлын деклараци авсан төдийгүй Монголдоо үйлдвэрлэж буй бүх тоног төхөөрөмжүүд нь Стандарт хэмжил зүйн газрын тохирлын гэрчилгээ, оюуны өмчөөр баталгаажсан юм.
МҮХАҮТ-аас жил бүр зохион байгуулдаг Монгол Улсын нийгэм, эдийн засгийн хөгжилд бодитой хувь нэмрээ оруулж буй оны онцлох ААН-үүдийг шалгаруулдаг ENTREPRENEUR шагнал гардуулах ёслолын үйл ажиллагаанаас ”Шилдэг Жижиг, дунд үйлдвэрлэгч” ENTREPRENEUR-2019, ”ХӨНГӨН ҮЙЛДВЭРЛЭЛИЙН САЛБАРЫН” ENTREPRENEUR-2022 шагналуудаар шагнагдсан ба мөн 2023 онд Хөдөлмөр Нийгмийн Хамгааллын Яамнаас Хөгжлийн бэрхшээлтэй хүнд хүртээмжтэй оны шилдэг ажил олгогч байгууллагаар тус тус шагнагдсан юм.
Чиглэл Худалдаа
Чиглэл Худалдаа нь Улаанбаатар хотод байрлах Дэнжийн мянга, 3, 4-р хорооллын Очир хотхон, 25-р эмийн сан, Нарны зам дагуу, Алтан-Орд, Чулуун-Овоо зэрэг нийт 5 салбар дэлгүүр, 6600м2 бүхий 4 агуулахын байруудаар дамжуулан БНХАУ, БНТУ, ОХУ-аас хүнс, хоол үйлдвэрлэлийн зориулалттай 2000 гаруй тоног төхөөрөмж, 8000 гаруй гал тогооны туслах хэрэгслийг импортлон Ресторан, амралт, жуулчны бааз, кофе шоп, сургууль, цэцэрлэг зэрэг хоол үйлдвэрлэлийн чиглэлийн үйл ажиллагаа явуулдаг газруудад мэргэжлийн түвшинд үйлчилж худалдаалан борлуулж байна.
Бид борлуулалтын дараах хүргэлт, суурилуулалтыг хийхээс гадна, мөн тоног төхөөрөмжийн оношилгоо, дуудлага, засвар үйлчилгээг 30 гаруй жилийн хугацаанд хийж гүйцэтгэсэн ба эвдрэл гэмтэлтэй тоног төхөөрөмжүүдийг мэргэжлийн баг оношлон баталгаат засварыг шуурхай, найдвартай гүйцэтгэж байна.
Хүнсний хангамж-аюулгүй байдал Хүнсний хувьсгал үндэсний хөдөлгөөний хүрээнд Монгол улсын сав баглаа боодол үйлдвэрлэгчдийн төлөөлөл болгон чиглэл компанийн үйлдвэрээр Монгол Улсын Ерөнхийлөгч Ухнаагийн Хүрэлсүх, Хүнс, хөдөө аж ахуй, хөнгөн үйлдвэрийн яамны сайд тэргүүтэй албаны хүмүүс Чиглэл компанийн үйлдвэртэй танилцлаа.
Уг хөдөлгөөний хүрээнд Хүн амын эрүүл мэндэд сөргөөр нөлөөлж буй айл өрхүүдийн дунд өргөнөөр хэрэглэгдэж буй шар, цэнхэр химийн бодис тээвэрлэх зориулалттай хуванцар савыг хүнсний зориулалтыг ган саваар шинэчлэн сайжруулах “Хүнстэй хүрэлцэхэд аюулгүй ган сав төсөл”-ийг 2021 оноос санаачлан хэрэгжүүлэн ажиллаж байна.
Хамтын хүчээр хөгжлийг бүтээцгээе...
Үндэсний үйлдвэрлэгч
Чиглэл Хязгаарлагдмал Хариуцлагатай Компани
Хүнс, хоол үйлдвэрлэлийн тоног төхөөрөмж, багаж хэрэгслийн цогц шийдэл бүхий экспортлогч, сайн засаглалтай компани болно.
Эх орондоо баялаг бүтээж, хөгжлийг эрхэмлэгч чадварлаг хамт олон бид, хүнс, хоол үйлдвэрлэлийн тоног төхөөрөмж, багаж хэрэгслийн үйлдвэрлэл, нийлүүлэлтдээ үндэсний болон олон улсын эрүүл ахуйн чанар, стандартын шаардлагыг мөрдөж, хөдөлмөрийн аюулгүй байдлыг хангаж, чанарын удирдлагын тогтолцоог тасралтгүй сайжруулан, хэрэглэгчээ дээдлэн салбартаа тэргүүлэгч байх.
Чанарыг эрхэмлэн хэрэглэгчээ дээдлэгч
Мэргэшсэн бүтээлч ажиллагсад
Зөв менежмент, хөгжил дэвшил
Эерэг хандлага, сахилга хариуцлага
Аюулгүй ажиллагаа