Үндэсний үйлдвэрлэгч, баялаг бүтээгч Чиглэл компанийн "Хамтдаа бүтээлцсэн 35 жилийн ойн баярын үйл ажиллагаа" Өвлийн эхэн сарын Шинийн 8-ны билэгт сайн өдөр Хүн бүрийн сэтгэлийг догдлуулсан, баяр бахдал дүүрэн, баярын нулимс дуслуулсан, шагналын хуур хангинасан сайхан өдөр болж амжилттай өндөрлүүллээ.

Компанийг анхлан үүсэн байгуулагдахад оролцож, хамтран гар бие оролцож чин сэтгэлээсээ ажиллаж хамтдаа хөдөлмөрлөж ирсэн Тоног төхөөрөмжийн засварчин Ахмад ажилтан Л.Даваахүү-д 10 Сая төгрөгийн хүндэтгэл үзүүллээ.

Бүтээлч сэтгэлгээ, дэвшилтэт санаачилга, хичээл зүтгэл, хандлага, хамт олны амжилтанд оруулсан үр нөлөө, компанийг өсөн нэмэгдэхэд чухал хувь нэмэр оруулж тууштайгаар ажиллаж ирсэн 2 ажилтандаа 3 өрөө байрны урьдчилгаа 30%-аар урамшуулан шагналаа.

1. Ерөнхий нягтлан бодогч Г. Нямдорж 2011 онд бараа бүтээгдэхүүнийг хариуцан Няраваар ажлын гараагаа эхэлж 2012 оноос Санхүү төлөвлөлт, ложистикийн албыг удирдан албаны даргаар 13 дахь жилдээ ажиллаж байна.

2. Үйлдвэрлэлийн албаны дарга : Ц. Содномдорж

2016 онд оюутан байхдаа Чиглэл компанид дадлага хийж ажлын гараагаа эхлүүлж байсан. 2017 онд цэрэгт явж, 2018 онд цэргийн албанаас халагдаж ирсний дараа ажилдаа орж 2 жил үйлдвэрлэлийн нягтлан бодогчоор ажиллаж, 2020 оноос эхлэн 3 үйлдвэр хариуцан Үйлдвэрлэлийн албыг удирдан зохион байгуулж өдгөө 8 дахь жилдээ ажиллаж байна.

ХАМТЫН ХҮЧЭЭР ХӨГЖЛИЙГ БҮТЭЭЦГЭЭЕ.