Үндэсний үйлдвэрлэгч, Баялаг бүтээгч Чиглэл компани нийгмийн хариуцлагын хүрээнд Хамтдаа бүтээлцсэн 35-н жилийн ойгоо тохиолдуулан СХД-ийн 28-р хорооны 341-р цэцэрлэгт 46 сая төгрөгийн гал тогооны тоног төхөөрөмжийг хандивлалаа.

СХД-ийн 28 дугаар хороонд тусгай хэрэгцээт 341 дүгээр цэцэрлэгийг барьж, өнгөрсөн оны 12 дугаар сард ашиглалтад оруулсан. Уг цэцэрлэг нь нийслэлийн хэмжээнд хоёр дахь, дүүргийн хэмжээнд анхны олон улсын стандартад нийцсэн ялгаатай хэрэгцээтэй хүүхдүүдэд зориулсан цэцэрлэг билээ.

Манай хамт олон гал тогооны тоног төхөөрөмж байхгүйгээс үүдэн цэцэрлэгийн үйл ажиллагаа явагдах боломжгүй байгааг олж мэдсэнээр хичээлийн шинэ жил эхлэхээс өмнө 2025 оны 8-р сарын 26-ны өдөр Нийгмийн хариуцлагын хүрээнд тус цэцэрлэгийн Гал тогоонд 46 сая төгрөгийн тоног төхөөрөмжийг хандивласан. Ингэснээр цэцэрлэгийн бусад үйл ажиллагаа хэвийн явагдаж эхэлсэн. Одоо тус цэцэрлэгийн 6 бүлэгт 75 хүүхэд суралцаж байгаагаас 50 нь ялгаатай хэрэгцээтэй хүүхдүүд байгаа юм. 341 дүгээр цэцэрлэгийн онцлог нь хүүхдүүдийг тэгш сургах зорилгоор ялгаатай хэрэгцээтэй хүүхдүүдийг бусад хүүхдүүдтэй хамт сургадгаараа онцлог юм.

Цэцэрлэгийн албан ёсны нээлт 2025 оны 11-р сарын 28-нд шинийн 8-ны билигт сайн өдөр Чиглэл компанийн 35-н жилийн ойн баяртай давхацсан сайхан үйл ажиллагаа болж өндөрлөлөө.

Хүүхэд бүр аюулгүй орчинд суралцаж, эрүүл, чанартай хоол хүнсийг хэрэглэж, бяцхан хүүхдүүдийн сайн сайхан, ирээдүйн төлөө хувь нэмэр оруулан ажилласандаа Манай хамт олон маш их баяртай байна.