Чиглэл компанийн 3-р цахилгаан станцын урд байрлах Мабуд үйлдвэрт Монгол Улсын Засгийн газрын гишүүн, Аж үйлдвэр, эрдэс баялгийн сайд Гонгорын Дамдинням Сэлэнгэ, Төв аймгийн нийт 53 боловсролын байгууллага (32 сургууль,17 цэцэрлэг, 4 коллеж) -д 278 сая гаруй төгрөгийн гал тогооны шаардлагатай тоног төхөөрөмжүүдийг Цэцэрлэг сургуулийн захирал, төлөөлөгчид гардууллаа.

Чиглэл компанийн Ерөнхий захирал, үүсгэн байгуулагч Монгол Улсын аж үйлдвэрийн гавьяат ажилтан Цэгмэдийн Бумцэнд байгууллагын үйл ажиллагаа, үйлдвэр, дотооддоо үйлдвэрлэсэн 40 нэрийн 140 төрлийн тоног төхөөрөмжүүдийг танилцууллаа.

Нийт 13 төрлийн 108 ширхэг тоног төхөөрөмжийг хүлээлгэн өгч үүнээс 43% Үндэсний үйлдвэрлэгч Чиглэл компанийн дотооддоо үйлдвэрлэсэн :

1. НМЗ-Я маркийн 1-р хоолны тогоо
2. УНЗ-Я маркийн 2-р хоолны тогоо
3. Шарах шүүгээтэй цахилгаан зуух
4. Аяга таваг Ариутгагч
5. Шарах шүүгээ зэрэг 5 төрлийн бүтээгдэхүүн

57% импортын тоног төхөөрөмж :

1. Хөргөгч хөлдөөгч
2. Жигнүүр
3. Махны машин
4. Гурил зуурагч
5. Будаа агшаагч зэрэг тоног төхөөрөмжүүдийг гардуулан өглөө.