2025.04.15-нд “Хүн Чанараа Хайрлая “ хэвлэл мэдээллийн байгууллагаас зохион байгуулдаг , “Алтан Шигтгээ" 99 "Хүмүүнлэгийн Элч“ шалгаруулах арга хэмжээ 7-дахь жилдээ зохион байгуулагдаж "Чиглэл ХХК" - Хүмүүнлэгийн Элч “ байгууллагаар тодорлоо.

Хүн чанар нэвтрүүлгийн хүрээнд компанийнхаа нэг ажилтнаа баярлуулахаар сонгож Чиглэл компанид 2 жил ажиллаж байгаа Биднийг үргэлж цэвэр цэмцгэр тухтай орчинд ажиллуулах орчныг бүрдүүлдэг Үйлчилгээний ажилтан Самбуугийн Гантулгад гэнэтийн бэлэг барьж 1,000,000₮ төгрөг, ОХУ-ын Кукмара брэндийн бүтээгдэхүүний дээж тогоог бэлэглээ.

Хүн хүнээ хайрлая

Хүн чанараа өнгөлөн зүлгэе .

Чиглэл компани нийгмийн хариуцлагын хүрээнд дараах ажлуудыг хийж гүйцэтгэсэн байна.

• 2015 онд 25 жилийн ойг тохиолдуулан “Эх хүүхдийн эрүүл мэндийн үндэсний төв”-ийн гал тогоонд 25,0 сая төгрөг үнэ бүхий тоног төхөөрөмж хандивласан.

• 2020 онд COVID-19 цар тахал гарсантай холбогдуулан ХӨСҮТ-н хоол үйлдвэрлэлийн тасагт 30,0 сая төгрөгийн автомашин болон хоол үйлдвэрлэлийн тоног төхөөрөмж хандивлав.

• 2021 онд “Богд Моторс” ХХК, TOTO брэндтэй хамтран Улсын нэгдүгээр төрөх Нийслэлийн Өргөө амаржих газрын хагалгааны тасгийн угаалтуур болон холигчийг бүрэн шинэчилж, стандартад нийцсэн шилдэг бүтээгдэхүүнүүдээр тохижууллаа.

• 2022 оноос Айл өрх, ард иргэдийн, өргөн хэрэглээнд хэрэглэж буй шар, цэнхэр хуванцар савны хэрэглээг бууруулах, нэг айл өрхийн 3-4 хуванцар ус зөөвөрлөх, хадгалах савыг зориулалтын хүнстэй шууд хүрэлцэх саванд хадгалуулах, Эрүүл мэндэд хор нөлөөгүй саваар солих зорилт тавьж хүн амын эрүүл мэндийн төлөө олон удаагийн туршилт, судалгаанд тулгуурлан үйлдвэрлэв. Ус, сүү, айраг, жимс жимсгэнэ зэрэг хүнсний шингэн бүтээгдэхүүний амт чанарыг өөрчлөхгүйгээр хадгалах, тээвэрлэх зориулалтын хүнстэй хүрэлцэхэд аюулгүй зэвэрдэггүй ган савыг дотооддоо үйлдвэрлэж байна.

• 2023 онд Чингэлтэй дүүргийн 10-р хороонд байрлах Өөрийн компанийн харалдаа 8 болон 9-р гудамжны 70 наснаас дээш ахмад настнуудад Өөрсдийн бүтээгдэхүүний дээж Хүнстэй хүрэлцэхэд аюулгүй ган савыг бэлэглэж хүндэтгэл үзүүллээ.

• Чиглэл компанийн бүх ажилчид 2016 оноос хойш улирал бүр цус сэлбэлтийн үндэсний төвд цусаа бэлэглэдэг. 2023 онд Цус сэлбэлт судлалын үндэсний төвийн "Цусаа бэлэглэх Үндэсний өдөр" арга хэмжээг хамтран зохион байгуулж ажиллалаа.

• Хөдөлмөр, Нийгэм хамгааллын яам JICA олон улсын байгууллагатай хамтран Монгол Улс дахь ХБИ-ийн хөдөлмөр эрхлэлтийг дэмжих тогтолцоог бэхжүүлэх төсөл дээр гэрээ байгуулан хамтран ажилладаг. JICA 2 шаттай сонгон шалгаруулалт хийгдэж Чиглэл компани ажлын байрны дадлагажуулагчаар сонгогдсон. JICA олон улсын байгууллагын Дипаб 2 төслийн хүрээнд Хөгжлийн бэрхшээлтэй иргэний ажлын байрны дадлагажуулагчдын ур чадвар олгох гадаадын туршлага солилцох зорилготойгоор Малайз улсад 7 хоногийн хугацаатай сургалтад хамрагдсан. Тус сургалт төрийн болон хувийн хэвшлийн 18 хүн оролцсон. Гэрээний дагуу 2024 онд 5 хүнийг ажлын байраар хангах гэрээтэй ба одоогоор 4 ажилтан ажиллаж 1 ажилтан дадлагажуулан ажиллаж байна.

• НХХЯ-аас 2023 онд “Хөгжлийн бэрхшээлтэй хүнд хүртээмжтэй оны шилдэг ажил олгогч аж ахуйн нэгж, байгууллага”-аар шалгарсан.

• Монголын зохион бүтээгчдийн нэгдсэн холбооноос зохион байгуулсан "Өсвөрийн зохион бүтээгч - 2024" үзэсгэлэн уралдаан 2024.12.13-14 нд Хүүхдийн урлан бүтээх төвд зохион байгуулагдлаа. Улаанбаатар хот, 21 аймгаас төлөөлөл болон оролцсон бүтээлээ ирүүлсэн ЕБС-ийн суралцагчид, удирдсан багш нартаа баяр хүргэе. "Чиглэл ХХК" Ерөнхий ивээн тэтгэгчээр оролцож 20 сая төгрөгөөр ивээн тэтгэлээ.