Хүнс, хоол үйлдвэрлэлийн зориулалттай тоног төхөөрөмжийн үйлдвэрлэл, худалдаа, захиалга засвар үйлчилгээ

Чингэлтэй дүүргийн 10-р хорооны төрсөн ээжүүдэд дурсамж, дурсгалын зүйлс гардуулан өглөө.

2022-03-14
Чингэлтэй дүүргийн 10-р хорооны төрсөн ээжүүдэд дурсамж, дурсгалын зүйлс гардуулан өглөө.

 

Чингэлтэй дүүргийн 30 жилийн ойтой холбогдуулан 10-р хорооноос санал санаачилга гаргасны дагуу манай компани нь тус хорооны 2022 онд шинэ төрсөн хүүхдийг хүндэтгэлтэй бүртгэх, төрсөн ээжүүдэд дурсамж, дурсгалын зүйлсийг өгөхөөр хамтран ажиллахаар болсон билээ. Дурсгалын зүйлд энхрий үрсийн хөлийг дулаахан байлгах, Монголын Бүүвэй брэндтэй хамтран Бойтог сонгож, ээжүүдэд зориулан үйлдвэрлэлээ.

Нэг болон 2 сард төрсөн ээжүүдэд бэлэг өгөх тусгай арга хэмжээг Чингэлтэй дүүргийн 10-р хорооны Иргэний танхимд зохион байгуулж, тус арга хэмжээнд Чиглэл ХХК-ийн төлөөлөл, 10 дугаар хорооны Засаг даргын албан үүргийг түр орлон гүйцэтгэгч Ц. Амаржаргал болон шинээр төрсний бүртгэлийн гэрчилгээ авсан иргэд оролцсон.

Дараа дараагийн саруудад Чингэлтэй дүүргийн улсын бүртгэгчээс гэрчилгээ авахдаа дурсамж, дурсгалын зүйлсээ авч он дуустал энэ тусгай хөтөлбөр хэрэгжих болно.

Бяцхан хүүхдээ өлгийдээ авсан бүх гэр бүлд халуун баярыг хүргье. Монголын үрс маш олон болох болтугай