1990 оноос хойш Хүнс, хоол үйлдвэрлэлийн зориулалтын тоног төхөөрөмжийн үйлдвэрлэл, худалдаа, засвар үйлчилгээний цогц шийдлийг хэрэглэгч нарт хүргэж, өдгөө 30-н жилийг ардаа үдээд байгаа“Чиглэл” ХХК -ийн хамт олон ойн баярынхаа хүрээнд “Халдварт өвчин судлалын үндэсний төв”-ийн Хоол үйлдвэрлэлийн тасагт шаардлагатай байгаа тоног төхөөрөмжүүд дээр судалгаа явуулан нийт 30,253,000₮ (Гучин сая хоёр зуун тавин гурван мянган төгрөгийн) үнэ бүхий тоног төхөөрөмжийг өнөөдөр /2020.06.30/ гардууллаа. 

ХӨСҮТ-ийн Хоол үйлдвэрлэлийн тасаг нь  өдөрт 6 удаа давтамжтай, нийт 18 тасгийн  1300-1400 хүнд хоол түгээдэг  бөгөөд хоол түгээлтийн хэрэгсэл болон гал тогооны хэрэгсэл нэн шаардлагатай байсан юм. Халдварын өвчлөлийн төрлөөс шалтгаалж хоолыг ангилан бэлтгэж, өвчтөнд хүргэдэг бөгөөд тээвэрлэх явцад асгарах, хөрөх зэрэг асуудлууд гардаг байна.

Нийгмийн хариуцлагын хүрээнд ХӨСҮТ-д нийт 17 нэр төрлийн 563 ширхэг гал тогооны тоног төхөөрөмж багаж хэрэгслүүд болон хоол зөөвөрлөхөд ашиглах Nissan - NV200 маркийн авто машин, 4000 ширхэг эрүүл мэндийн 1 удаагийн амны хаалтуудыг тус тус бэлэглэхийн хажуугаар тоног төхөөрөмжийн угсралт суурилуулалтын ажлыг мөн гүйцэтгэж, ХӨСҮТ-ийн бага хамт олонд ажилдаа ашиглахад бэлэн болгон хүлээлгэн өглөө.

Дэлгэрэнгүй мэдээллийг : https://ikon.mn/n/1xd9 

Facebook page: https://www.facebook.com/Chiglel.mn/