Хүнс, хоол үйлдвэрлэлийн зориулалттай тоног төхөөрөмжийн үйлдвэрлэл, худалдаа, захиалга засвар үйлчилгээ

Бидний тухай

                                                                                                ЧИГЛЭЛ ХХК-ИЙН ТОВЧ ТАНИЛЦУУЛГА

        Манай компани нь анх 1990 онд гэр ахуйн цахилгаан хэрэгсэл, нийтийн хоолны тоног төхөөрөмжийн засвар, угсралтын чиглэлээр үйл ажиллагаа явуулахаар Чиглэл ББХХоршоо нэртэйгээр үүсгэн байгуулагдсан.

       Чиглэл ХХК нэртэйгээр 1996  оноос өргөжин тэлж дэлгүүр, цайны газар, ресторан, бар, эмнэлэг, цэцэрлэг, сургууль, амралт сувилал зэрэг газруудын гал зуухны тоног төхөөрөмжийн засвар үйлчилгээ, угсралт, худалдаа, нийлүүлэлтийн чиглэлээр үйл ажиллагаагаа явуулж эхэлсэнз.

       БНХАУ-аас 2005 оноос эхлэн тоног төхөөрөмж үйлдвэрлэх машин техник, багаж оруулж ирснээр байгууллагуудын захиалгаар 1-р хоол хийх зориулалтын “НМЗ-Я” маркийн олон үйлдэлт цахилгаан тогоо, 2-р хоол хийх зориулалтын хайруулын “УНЗ-Я” маркийн ширмэн тогоо, 1,2,4 ширэмтэй, шарах шүүгээтэй, шүүгээгүй цахилгаан зуухнууд, хоол халуун байлгагч, олон төрлийн газын зуухнууд, гурил хайрагч, хэвийн боов чанах тогоо, тос шүүгч, цэвэр ус нөөцлөх сав, буузны цахилгаан жигнүүр, сүү боловсруулах цехийн жижиг оврын төхөөрөмж, ааруул хатаагч, ааруул шахагч, төрөл бүрийн хэмжээтэй нержин тавцантай бэлтгэлийн ширээнүүд, тавиур, тавцан, аяга таваг хатаагч, тавиур зэрэг 20 гаруй нэр төрлийн тоног төхөөрөмж үйлдвэрлэхийн зэрэгцээ “НМЗ-Я” маркийн тогоо, 4 ширэмтэй цахилгаан зуух, бэлтгэлийн ширээ зэрэгт Евразийн эдийн засгийн холбооны тохирлын деклараци гаргуулаад байна.

       Манай компани  ОХУ, БНХАУ-аас хүнс, хоол үйлдвэрлэлийн зориулалтын тоног төхөөрөмжийг импортлон өөрийн 4 салбар дэлгүүрүүдээр баталгаат хугацаатай худалдан борлуулж, засвар үйлчилгээг хариуцан ажиллаж байна.

        Чиглэл компани нь мэргэжлийн үйл ажиллагааг олон жил, тасралтгүй, тогтвортой явуулж ирсэн, олонд танигдсан, хүнс, хоол үйлдвэрлэлийн тоног төхөөрөмж үйлдвэрлэлийн салбартаа тэргүүлэгч, баялаг бүтээгч, шинийг санаачлагч хамт олон болсон бөгөөд МҮХАҮ-ын танхимын, Баялаг бүтээгчдийг дэмжих, Монголын ажил олгогч эздийн нэгдсэн, Хөргөлтийн зэрэг холбоодын мөн Үндэсний Аж Үйлдвэрийн зөвлөлийн гишүүн байгууллага юм.

       Манай компани нь ЧУТ-ны ISO 9001:2015 стандартын JAS-ANZ батламжийн гэрчилгээг 2019 оны 12 дугаар сарын 19-ны өдөр гардаж авсан нь Монгол улсдаа ЖДҮ-ээс анх удаа ISO 9001:2015  стандартыг амжилттай нэвтрүүлсэн байгууллага боллоо. Энэ нь бидэнд өөрийн үйлдвэрлэсэн бүтээгдэхүүнээ экспортын зах зээлд гаргах боломжийг нээсэн.

       Мөн 2019 онд МҮХАТ-аас Монгол Улсын нийгэм, эдийн засгийн хөгжилд бодитой хувь нэмрээ оруулж буй оны онцлох аж ахуй нэгж, байгууллагууд, бизнес эрхлэгчдийг шалгаруулдаг “ENTREPRENEUR-2019 шилдэг Жижиг дунд үйлдвэрлэгч”-ээр өргөмжлөгдлөө.

 

БИДНИЙ АЛСЫН ХАРАА                                                                              

Хүнс, хоол үйлдвэрлэлийн тоног төхөөрөмж, багаж хэрэгслийн цогц шийдэл бүхий экспортлогч, сайн засаглалтай компани болно.                                                                           

БИДНИЙ ЭРХЭМ ЗОРИЛГО                                                                           

Эх орондоо баялаг бүтээж, хөгжлийг эрхэмлэгч чадварлаг хамт олон бид, хүнс, хоол үйлдвэрлэлийн тоног төхөөрөмж, багаж хэрэгслийн үйлдвэрлэл, нийлүүлэлтдээ үндэсний болон олон улсын эрүүл ахуйн чанар, стандартын шаардлагыг мөрдөж, хөдөлмөрийн аюулгүй байдлыг хангаж, чанарын удирдлагын тогтолцоог тасралтгүй сайжруулан, хэрэглэгчээ дээдлэн салбартаа тэргүүлэгч байх.                             

 

БИДНИЙ ҮНЭТ ЗҮЙЛС                                                                          

Чанарыг эрхэмлэн хэрэглэгчээ  дээдлэгч

Мэргэшсэн бүтээлч ажиллагсад                                      

Зөв менежмент, хөгжил дэвшил                                          

Эерэг хандлага, сахилга хариуцлага                                        

 Аюулгүй ажиллагаа